13 دسمبر ، 2022 
پاکستان
14 زخمیوں کو نکال لیا گیا ہے، گاڑی میں 30 افراد سوار ہونے کی اطلاعات ہیں: پولیس— فوٹو: ریسکیو 1122
بٹگرام میں گاڑی دریائے سندھ میں جاگری، 5 افراد جاں بحق
13 دسمبر ، 2022
بٹگرام میں گاڑی دریائے سندھ میں جاگری جس کے نتیجے میں 5 افراد جاں بحق ہوگئے۔
پولیس کے مطابق گاڑی تھاکوٹ سے جمبیڑہ جارہی تھی کہ الائی خوڑ ڈیم کے قریب دریائے سندھ میں جاگری۔
ریسکیو حکام نے بتایا کہ دریا سے 5 افراد کی لاشیں اور 14 زخمیوں کو نکال لیا گیا ہے جنہیں طبی امداد کیلئے اسپتال منتقل کردیا گیا جبکہ باقیوں کی تلاش کا کام جاری ہے۔
ریسکیو حکام کے مطابق گاڑی میں 30 افراد سوار ہونے کی اطلاعات ہیں، اندھیرے کی وجہ سے ریسکیو آپریشن میں مشکلات کا سامنا ہے۔
