20 دسمبر ، 2022 
سابق ٹیسٹ کرکٹر اعجاز احمد نے نئی روایت قائم کر دی
20 دسمبر ، 2022
پاکستان کرکٹ ٹیم کے سابق ٹیسٹ کھلاڑی اعجاز احمد نے نئی روایت قائم کر دی۔
سابق ٹیسٹ کرکٹر اعجاز احمد پاکستان کرکٹ ٹیم کے ریٹائر ہونے والے بیٹراظہر علی کے پاس کیک لے کر پہنچ گئے،اعجاز احمد ناردرن کے کوچ کی حیثیت سے کراچی میں موجود ہیں۔
اظہر علی کو آنر کرنے کے لیے اعجاز احمد نے اپنی بیٹی کو خصوصی طور پر لاہور سے بلایا، وہ بیٹی کے ہمراہ کیک لے کر اظہر علی کے پاس ہوٹل پہنچے۔
بعد ازاں اعجاز احمد اور ان کی بیٹی نے اظہر علی اور ان کی فیملی کے ہمراہ کیک کاٹا۔
اس موقع پر اعجاز احمد نے کہا کہ اظہر علی ہمارے سامنے کرکٹ کھیلتے ہوئے قومی ٹیم تک پہنچے ،وہ قومی ٹیم اور ڈومیسٹک میں میری کوچنگ میں بھی کھیلے۔
ان کا کہنا تھا کہ اظہر علی اچھے کرکٹ ہی نہیں ایک نفیس انسان بھی ہیں ، ان کی خدمات کو سراہنے کے لیے خود ان کے پاس گیا۔
اعجاز احمد نے مزید کہا کہ اظہر علی کے لیے نیک خواہشات ہیں اور وہ آئندہ زندگی میں بھی کامیاب ہوں۔
دوسری جانب اظہر علی اور ان کی فیملی نے اعجاز احمد اور ان کی بیٹی کا شکریہ ادا کیا۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
1 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
3 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
