22 دسمبر ، 2022 
دورہ پاکستان کیلئے نیوزی لینڈ کرکٹ ٹیم آج کراچی پہنچے گی
22 دسمبر ، 2022
نیوزی لینڈ کرکٹ ٹیم دورہ پاکستان پر آج صبح دبئی کے راستے کراچی کیلئے روانہ ہوگی۔
نیوزی لینڈ ٹیسٹ اسکواڈ آکلینڈ سے امارات ائیرلائن کی پرواز سے دبئی کے راستے دورہ پاکستان کیلئے روانہ ہوچکا ہے، ٹیم اور آفیشلز لگ بھگ 17 گھنٹے سے زائد کا مسلسل سفر طے کرکے جمعرات کو علی الصباح دبئی پہنچیں گے۔
نیوزی لینڈ ٹیم آج صبح امارات ائیرلائن کی پرواز سے کراچی کیلئے روانہ ہوگی جہاں ٹیم کی آمد و رفت کیلئے خصوصی پروٹوکول اور سیکورٹی کے غیرمعمولی انتظامات کیے گئے ہیں۔
پاکستان اور نیوزی لینڈ کے درمیان دو میچز پر مشتمل سیریز کا پہلا ٹیسٹ 26 دسمبر کو کراچی میں شروع ہوگا جبکہ دوسرا ٹیسٹ میچ 3 جنوری سے ملتان میں کھیلا جائے گا۔
نیوزی لینڈ کی ٹیم اس دورے کے دوران 10 سے 14 جنوری کو کراچی میں 3 ایک روزہ میچز بھی کھیلے گی۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
11 گھنٹے پہلے
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
