30 دسمبر ، 2022 
عامر ٹریننگ کیلئے نیشنل ہائی پرفارمنس سینٹر پہنچ گئے
30 دسمبر ، 2022
لاہور : پاکستان کرکٹ ٹیم کے فاسٹ بولر محمد عامر ٹریننگ کیلئے نیشنل ہائی پرفارمنس سینٹر (این ایچ پی سی) پہنچ گئے۔
اس موقع پر صحافیوں سے گفتگو کرتے ہوئے محمد عامر نے بتایا کہ بنگلا دیش پریمئیر لیگ کیلئے جانے سے پہلے ٹریننگ کرنا چاہتا تھا، چیئرمین پی سی بی نجم سیٹھی سے این ایچ پی سی میں ٹریننگ کیلئے اجازت مانگی تھی، نجم سیٹھی نے مہربانی کی اور مجھے اجازت دی۔
محمد عامر نے مزید کہا کہ ریٹائرمنٹ واپس لینے کا نہیں سوچا ابھی صرف پی ایس ایل پر نظریں ہیں، اللہ نے چاہا تو دوبارہ پاکستان کیلئے کھیلوں گا۔
عامر نے کہا کہ کرکٹ کھیل رہا ہوں این ایچ پی سی سے اچھی سہولیات کہیں نہیں ہیں۔
انہوں نے کہا کہ کراچی ٹیسٹ میں پاکستان ٹیم اچھا کھیلی کریڈٹ دینا چاہیے، امام الحق، سرفراز احمد اور سعود شکیل نے اچھی بیٹنگ کی۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
2 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
5 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
