02 جنوری ، 2023 
کراچی، نیو ائیرنائٹ پر پولیس افسران کی سپاہی پر تشددکی سی سی ٹی وی سامنے آگئی
02 جنوری ، 2023
کراچی میں نیو ائیر نائٹ پر پولیس افسران کی جانب سے سپاہی کو تشدد کا نشانہ بنانے کا واقعہ پیش آیا ہے۔
کراچی سی آئی اے فلیٹ میں نیو ائیرنائٹ کو پیش آئے واقعے کی سی سی ٹی وی فوٹیج جیو نیوز کو موصول ہوگئی۔ فوٹیج میں دیکھا جاسکتا ہے کہ فلیٹ چوکی میں تعینات گارڈمنصور عالم پر تشدد کیا گیا۔
سی سی ٹی وی فوٹیج میں پولیس افسران کو آتے دیکھا جاسکتا ہے۔ فوٹیج میں دیکھا جاسکتا ہے کہ نواز بروہی، خالد میمن اور دیگر افسران فلیٹ میں داخل ہوئے اورایس آئی او نواز بروہی نے سپاہی سے سرکاری رائفل چھین لی۔
ایس ایچ او نے سپاہی کو گلے سے پکڑ کر دیوار کے ساتھ لگایا اور پولیس افسر کی جانب سے سپاہی کو تھپڑبھی مارے گئے۔ فوٹیج میں دیکھا جاسکتا ہے کہ تشدد کے بعد ہتھیار لے کر پولیس افسران واپس چلے گئے۔
پولیس کا کہنا ہے کہ ایس ایس پی جنوبی اسد رضا نے معاملے پر نوٹس لیتے ہوئے ایس ایچ او صدرخالد میمن اور ایس آئی نواز بروہی کو طلب کرلیا ہے۔
ایس ایس پی جنوبی اسدرضا کا کہنا ہے کہ متاثرہ اہلکار کا بیان لے لیا ہے اور تشدد میں ملوث دونوں افسران کے خلاف قانون کے مطابق کارروائی کی جائے گی۔
