05 جنوری ، 2023 
پاکستان
جی ٹی روڈ پر واقع ایک گودام پر چھاپہ مار کر 3 لاکھ جعلی کینولہ برآمد کیے گئے: ڈرگ کنٹرول ٹاسک فورس۔ فوٹو جیو نیوز
پشاور: کروڑوں روپے مالیت کے جعلی کینولہ برآمد، ملزمان گرفتار
05 جنوری ، 2023
پشاور: ڈرگ کنٹرول ٹاسک فورس نے ایک گودام پر چھاپہ مار کروڑوں روپے مالیت کے جعلی کینولہ برآمد کر لیے۔
ڈرگ کنٹرول ٹاسک فورس کے مطابق جی ٹی روڈ پر واقع ایک گودام پر چھاپہ مار کر 3 لاکھ جعلی کینولہ برآمد کیے گئے، گودام سے مشینری بھی ضبط کی گئی اور 4 ملزمان کو گرفتار کیا گیا۔
ٹاسک فورس کا کہنا ہے کہ ملزمان جعلی کینولہ پر سرکاری مہر لگا کر مارکیٹ میں فروخت کرتے تھے، 3 لاکھ کینولہ کی مالیت ساڑھے 4 کروڑ روپے بنتی ہے۔
