09 جنوری ، 2023 
کراچی: کورنگی سے لاپتا ہونے والی دونوں لڑکیاں لاہور سے بازیاب
09 جنوری ، 2023
کراچی: کورنگی سے لاپتا ہونے والی دونوں لڑکیوں کو لاہور سے بازیاب کرالیا گیا۔
تفتیشی حکام کی جانب سے دونوں لڑکیوں کو بازیاب کرائے جانے کی تصدیق کی گئی ہے۔
تفتیشی حکام کے مطابق ابتدائی تفتیش میں پتا چلا ہےکہ دونوں لڑکیاں کورین میوزک بینڈ سے متاثر تھیں اور لڑکیاں کوریا جانے کے لیے مبینہ طور پر گھروں سے خود گئیں۔
حکام کا کہنا ہے کہ دونوں سہیلیاں منصوبہ بندی کرکے گھر سے نکلیں،گھر سے جانے کے لیے لڑکیوں نے مختلف ٹرینوں کی معلومات لیں اور کوریا جانے کےلیے تمام معلومات اکٹھا کیں۔
حکام کے مطابق لڑکیوں نے یہ بھی پتا کرایا کہ کون سی ٹرین کہاں جاتی ہے، کرایا کتنا ہے، سب ایک صفحے پر نوٹ کیا، لڑکیوں نے اپنے ایک کزن کو بھی ساتھ چلنےکا کہا لیکن وہ نہیں گیا، دونوں لڑکیاں جانے سے پہلے گوگل آئی ڈی فارمیٹ کرکےگئیں۔
