12 جنوری ، 2023 
کھیل
پاکستان میں سکیورٹی کے حوالے سے نیوزی لینڈ کرکٹ بورڈ کے چیف نے کیا کہا؟
12 جنوری ، 2023
نیوزی لینڈ کرکٹ بورڈ کے چیف ایگزیکٹو ڈیوڈ وائٹ کا کہنا ہے کہ پاکستان میں مہمان ٹیموں کا بہت خیال رکھا جاتا ہے۔
پاکستان کرکٹ بورڈ (پی سی بی) کی جانب سے جاری ویڈیو میں ڈیوڈ وائٹ نے کہا کہ پاکستان میں ہم نے سکیورٹی کے اعلیٰ درجے کے انتظامات دیکھے، پاکستان میں ہمارا بہت اچھا وقت گزر رہا ہے۔
انہوں نے کہا کہ یہاں کی مہمان نوازی کو خوب انجوائے کر رہے ہیں، پاکستان میں سکیورٹی کے حوالے سے انگلینڈ سمیت دیگر ممالک سے رابطے میں تھے، پاکستان کا دورہ کرنے والی ٹیموں نے سکیورٹی پر اچھے ریمارکس دیے۔
ڈیوڈ وائٹ نے کہا کہ نیوزی لینڈ کے پاکستان سے اچھے تعلقات ہیں، امید ہے پاکستان میں انٹرنیشنل کرکٹ کا سلسلہ جاری رہے گا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
