18 جنوری ، 2023 
پاکستان
سینئرسول جج رانا مجاہد رحیم کے ججز کورس پر ہونے کے باعث سماعت بغیر کارروائی کے 24جنوری تک ملتوی کردی گئی ہے/ فائل فوٹو
خاتون جج کو دھمکی دینے کا کیس: عمران خان کو آئندہ سماعت پر پیش ہونیکا نوٹس دوبارہ جاری
18 جنوری ، 2023
خاتون جج کو دھمکی دینے کے کیس میں عدالت نے چیئرمین تحریک انصاف عمران خان کو آئندہ سماعت پر پیش ہونے کے لیے دوبارہ نوٹس جاری کر دیا۔
ڈسٹرکٹ اینڈ سیشن کورٹ اسلام آباد میں عمران خان کی جانب سے خاتون جج کو دھمکی دینے کے کیس کی سماعت ہوئی۔
چیئرمین پی ٹی آئی عمران خان عدالت پیش نہ ہوئے، عمران خان کی جانب سے جونیئر وکیل سردار مصروف عدالت میں پیش ہوئے جبکہ اسپیشل پراسیکیوٹر کی جانب سے بیرسٹر اسامہ عدالت کے روبرو پیش ہوئے۔
عدالت نے عمران خان کو آئندہ سماعت پر پیش ہونے کا دوبارہ نوٹس جاری کرتے ہوئے سماعت بغیر کارروائی کے 24جنوری تک ملتوی کر دی۔
