پاکستان
12 دسمبر ، 2012
12 دسمبر ، 2012 
گلگت:طلبہ گروپوں میں تصادم ،شہر میں کشیدگی،6پولیس اہلکار زخمی
12 دسمبر ، 2012
گلگت…گلگت میں طلبہ کے دو گروپوں میں تصادم کے بعد شہر میں کشیدگی پھیل گئی۔ فائرنگ کے مختلف واقعات میں دو پولیس اہلکاروں سمیت 6افراد زخمی ہوگئے۔ پولیس کے مطابق قراقرم یونیورسٹی کے طلبہ کے دو گروپوں کے درمیان معمولی تنازع پر سینٹرل پولیس آفس کے قریب تصادم ہوا۔ طلبہ کو منتشر کرنے کیلئے پولیس کی جانب سے لاٹھی چارج، شیلنگ، ہوائی فائرنگ بھی کی گئی۔ گلگت شہر کے مختلف علاقوں میں وقفے وقفے سے فائرنگ کا سلسلہ جاری ہے۔ ذرائع کے مطابق فائرنگ سے زخمی ہونے والے دو پولیس اہلکاروں سمیت 5افراد کو ڈسٹرکٹ ہیڈ کوارٹر اسپتال جبکہ ایک کو سٹی اسپتال منتقل کیا گیا ہے۔ واقعے کے بعد شہر میں کشیدگی ہے جبکہ اور پولیس اور سیکیورٹی اہلکارسڑکوں سے غائب ہیں۔
