24 جنوری ، 2023 
پاکستان
آئندہ انتخابات کےلیے پنجاب میں پارٹی کارکنان کومتحرک کیا جائے: نواز شریف کی ہدایت— فوٹو: اسکرین گریب
عمران خان کے جھوٹے بیانیے کا پول کھولا جائے: نواز نے رانا کو ٹاسک سونپ دیے
24 جنوری ، 2023
لندن میں سابق وزیراعظم نواز شریف، مسلم لیگ (ن) کی سینیئر نائب صدر مریم نواز اور وزیر داخلہ رانا ثنااللہ کی ملاقات ہوئی ہے۔
ملاقات میں پنجاب میں دیگر اضلاع کے صدور کے امیدواروں کے ناموں پر بھی مشاورت کی گئی اور انٹرا پارٹی انتخابات پر بھی غور کیا گیا۔
نوازشریف نے رانا ثنااللہ کو پنجاب کی سیاست سے متعلق ٹاسک سونپ دیے اور ہدایت کی کہ آئندہ انتخابات کے لیے پنجاب میں پارٹی کارکنان کومتحرک کیا جائے۔
سابق وزیراعظم نے وزیر داخلہ کو مریم نواز سے مل کرپنجاب میں ریلیاں اور جلسوں کا بھی ٹاسک دے دیا اور ہدایت کی کہ عوام کوحقائق بتائے جائیں اور عمران خان کے جھوٹے بیانیے کا پول کھولا جائے۔
وفاقی وزیرداخلہ 28 جنوری کو وطن واپس پہنچیں گے۔
