ویڈیو: حارث اور شاہین کے درمیان سپر اوور، مقابلہ کون جیتا؟
29 جنوری ، 2023
پاکستان کرکٹ ٹیم کے دو اسٹار فاسٹ بولرز حارث رؤف اور شاہین شاہ آفریدی کے درمیان 'پاپ دی بال ان دی گلاس' کا مقابلہ ہوا جس کی ویڈیو لاہور قلندرز نے سوشل میڈیا پر شیئر کی۔
مقابلے کو حارث اور شاہین نے سُپر اوور کا نام دیا، ویڈیو میں دیکھا جاسکتا ہے کہ شاہین نے پہلے بال کے ذریعے ٹاس کیا جو حارث نے جیتا، مقابلے میں گیند کو نمبرز والے گلاس میں ڈالنا تھا۔
حارث رؤف اس کھیل میں گیند ایک نمبر والے گلاس میں ہی ڈال سکے جس کے باعث انہوں نے ایک رن بنایا۔
دوسری جانب جب باری شاہین کی آئی تو انہوں نے دوسری باری میں گیند دو نمبر والے گلاس میں ڈال دی اور یوں وہ مقابلہ جیت گئے۔
خیال رہے کہ پی ایس ایل کا آٹھواں ایڈیشن 13 فروری سے شروع ہوگا، جس کے لیے شاہین شاہ آفریدی نے لاہور میں بولنگ پریکٹس بھی شروع کر دی ہے۔
