30 جنوری ، 2023 
پاکستان
فوٹو: فائل
اسلام آباد: نجی کمپنی کے ملازمین کا نوکری سے نکالنے پراحتجاج، دفتر میں گھس کرتوڑپھوڑ
30 جنوری ، 2023
اسلام آباد میں نجی کمپنی کے ملازمین نے نوکری سے فارغ کرنے پر احتجاج کیا اور دفتر میں گھس کر توڑ پھوڑ کی اور کھڑکیوں کے شیشے توڑ دیے۔
اسلام آباد کے سیکٹر جی ٹین میں نجی کمپنی کے ملازمین نے نوکری سے برخاست کیے جانے کے خلاف احتجاج کیا۔
ملازمین کا کہنا تھا کہ کمپنی نے نوٹس اور تنخواہ دیے بغیر نوکری سے نکال دیا، احتجاجی ملازمین نے نجی کمپنی کے دفتر میں گھس کر توڑ پھوڑ کی اور کھڑکیوں کے شیشے توڑ دیے۔
دوسری جانب پولیس کا کہنا ہےکہ واقعےکا مقدمہ تھانہ رمنا میں درج کر لیا گیا ہے، توڑ پھوڑ میں ملوث افرادکو گرفتار کرکے قانونی کارروائی کی جائےگی۔
