06 فروری ، 2023 
اسلحہ برآمدگی کیس: سارہ انعام قتل کے مرکزی ملزم شاہنواز امیر پر فردجرم عائد
06 فروری ، 2023
اسلام آباد کی مقامی عدالت نے سارہ انعام قتل کے مرکزی ملزم شاہنواز امیر سے اسلحہ برآمدگی کیس میں فرد جرم عائد کردی۔
ڈسٹرکٹ اینڈ سیشن کورٹس اسلام آباد میں سارہ انعام قتل کے مرکزی ملزم شاہنواز امیر سے اسلحہ برآمدگی کے کیس کی سماعت ہوئی۔
کیس کی سماعت سینئر سول جج محمد عاطف جمیل نے کی۔
عدالت نے ملزم شاہنواز امیر پر فرد جرم عائد کردی تاہم ملزم نے صحت جرم سے انکار کیا۔
عدالے نے حکم دیا کہ شاہنواز امیر سے اسلحہ برآمدگی کیس کا باقاعدہ ٹرائل 20 فروری سے شروع کیا جائے گا۔
خیال رہے کہ سارہ انعام قتل کیس کے ملزم شاہنواز امیر سے اسلحہ برآمدگی پر مقدمہ درج ہے۔
یاد رہے کہ 23 ستمبر 2022 کو اسلام آباد کے علاقے چک شہزاد کے فام ہاؤس میں سینیئر صحافی ایاز امیر کے بیٹے شاہنواز امیر نے اپنی اہلیہ سارہ کو سر پر لوہے کی راڈ مار کر قتل کر دیا تھا۔
