08 فروری ، 2023 
پاکستان
اسلام آباد ہائیکورٹ کا لارجر بینچ کل عمران خان نااہلی کیس کی سماعت کرے گا— فوٹو:فائل
مبینہ بیٹی ظاہر نہ کرنے کا کیس، عمران خان کیخلاف نئی دستاویزات جمع کرانے کی درخواست دائر
08 فروری ، 2023
اسلام آباد ہائیکورٹ میں مبینہ بیٹی ٹیریان وائٹ کو ظاہرنہ کرنے پر نااہلی کیس میں عمران خان کے خلاف نئی دستاویزات جمع کرانے کی درخواست دائر کر دی گئی۔
نئی دستاویزات میں عمران خان کا 7 نشستوں سے ضمنی الیکشن میں کامیابی کا نوٹیفکیشن بھی شامل ہے۔
عمران خان نے مؤقف اپنایا تھا وہ اب اسمبلی کی سیٹ چھوڑ چکے ہیں۔ اس کے علاوہ عمران خان کے خلاف ٹیریان وائٹ کیس سے متعلق پرانا فیصلہ بھی شامل ہیں۔
عمران خان نے محض رکن اسمبلی نہ ہونے پر درخواست خارج کرنے کی استدعا کی تھی۔ اسلام آباد ہائیکورٹ کا لارجر بینچ کل عمران خان نااہلی کیس کی سماعت کرے گا۔ چیف جسٹس عامر فاروق بینچ کی سربراہی کریں گے، بینچ میں جسٹس محسن اختر کیانی اور جسٹس ارباب محمد طاہر بھی شامل ہیں۔
