شیخ رشید کے کاغذات نامزدگی منظوری، بھتیجے کو پی ٹی آئی نے ٹکٹ جاری کر دیا

پاکستان تحریک انصاف نے قومی اسمبلی کے حلقہ این اے 60 راولپنڈی سے شیخ رشید کے بھتیجے شیخ راشد شفیق کو پارٹی ٹکٹ جاری کر دیا۔

دوسری جانب شیخ رشید احمد کے این اے 62 سے کاغذات نامزدگی پر اعتراض مسترد ہونے کے بعد ریٹرننگ افسر نے شیخ رشید کے کاغذات نامزدگی منظور کر لیے۔

وکیل سردار رازق خان شیخ رشید احمد کی جانب سے ریٹرننگ افسر کے سامنے پیش ہوئے۔

شیخ رشید کا جیل سے ریٹرننگ افسر کے نام خط

عوامی مسلم لیگ کا این اے 62 سے امیدوار ہوں اور خود پیش ہونا چاہتا ہوں: سابق وزیر کا خط میں مؤقف

سردار رازق خان نے جیل سے جاری شیخ رشید احمد کا لیٹر ریٹرننگ افسر کو پیش کیا جس کے بعد ریٹرننگ افسر نے این اے 62 سے ان کے کاغذات نامزدگی منظور کر لیے۔ 

شیخ رشید نے جیل سے ریٹرننگ افسر کو لکھے گئے خط میں کہا تھا براہ مہربانی میری پارٹی کو قلم دوات کا نشان فراہم کیا جائے، عوامی مسلم لیگ کا این اے 62 سے امیدوار ہوں اور خود پیش ہونا چاہتا ہوں، ڈپٹی سپرنٹنڈنٹ جیل نے ملی بھگت سے مجھے اسکروٹنی میں شامل ہونے سے روکا۔