15 فروری ، 2023 
کراچی میں دھند اور اوس کے باعث سڑکوں پر پھسلن کا امکان
15 فروری ، 2023
کراچی میں دھند اور اوس کے باعث سڑکوں پر پھسلن کا امکان ظاہر کیا گیا ہے۔
محکمہ موسمیات کے مطابق کراچی میں کل سے درجہ حرارت بڑھنے کا امکان ہے، شہر کا کم سے کم درجہ حرارت 14 سے 16 ڈگری سینٹی گریڈ اور زیادہ سے زیادہ درجہ حرارت 30 سے 32 ڈگری سینٹی گریڈ تک رہنے کا امکان ہے۔
حکام محکمہ موسمیات کے مطابق جمعے کو تیز دھوپ اور صبح میں ہلکی دھند رہنے کی توقع ہے۔
دوسری جانب موسمیاتی تجزیہ کار کا کہنا ہے کراچی میں آج رات 12 سے صبح 11 بجے کے دوران دھند کا امکان ہے، شہر میں سمندری ہوائیں چلنے سے ہوا میں نمی کا تناسب بڑھ رہا ہے، کچھ علاقوں میں گہری اور کہیں معتدل دھند ہو سکتی ہے۔
موسمیاتی تجزیہ کے مطابق شہر کے جنوبی حصے میں حدنگاہ متاثر ہو سکتی ہے، کلفٹن، ڈیفنس، کورنگی، لانڈھی اور صدر میں حد نگاہ 1 سے 3 کلو میٹر تک جا سکتی ہے، اوس کے باعث سڑکوں پر پھسلن رہ سکتی ہے۔
