22 فروری ، 2023 
پاکستان
ناصر جمپ کے قریب پولیس موبائل معمول کی ڈیوٹی پر موجود تھی کہ اس دوران اہلکاروں نے موٹرسائیکل سوار دو افراد کو رکنے کے لیے اشارہ کیا: پولیس/ فائل فوٹو
کورنگی چکرا گوٹھ میں پولیس مقابلے میں 2 ڈاکو ہلاک، ایک اہلکار شہید
22 فروری ، 2023
کراچی: کورنگی چکرا گوٹھ میں پولیس مقابلے کے دوران دو ڈاکو ہلاک اور ایک پولیس اہلکار شہید ہوگیا۔
پولیس کے مطابق چکراگوٹھ ناصر جمپ کے قریب پولیس موبائل معمول کی ڈیوٹی پر موجود تھی کہ اس دوران اہلکاروں نے موٹرسائیکل سوار دو افراد کو رکنے کے لیے اشارہ کیا۔
پولیس کے مطابق ملزمان رکنے کے بجائے گلی میں فرار ہوگئے جس پر گلی میں پولیس کا ڈاکوؤں سے فائرنگ کا تبادلہ ہوا جس دوران دو ڈاکو ہلاک ہوگئے۔
پولیس کا بتانا ہےکہ ڈاکوؤں سے مقابلے میں ایک پولیس اہلکار شدید زخمی ہوا جسے اسپتال منتقل کیا گیا تاہم وہ زخموں کی تاب نہ لاتے ہوئے چل بسا، اہلکار کورنگی انڈسٹریل ایریا تھانے کا چوکی انچارج تھا۔
