10 مارچ ، 2023 
پاکستان
سائرہ انور سے 14 مارچ تک مشکوک ٹرانزیکشن کا ریکارڈ طلب کیا گیا ہے: ایف آئی اے۔ فوٹو فائل
ایف آئی اے کا کروڑوں کی مشکوک ٹرانزیکشن پر سائرہ انور کو شوکاز نوٹس
10 مارچ ، 2023
لاہور: وفاقی تحقیقاتی ایجنسی (ایف آئی اے) نے کروڑوں روپے کی مشکوک ٹرانزیکشن پر سائرہ انور نامی خاتون کو شو کاز نوٹس جاری کر دیا۔
ایف آئی اے کی جانب سے جاری نوٹس میں کہا گیا ہے کہ آپ کی جانب سے جمع کرایا گیا جواب مشکوک ٹرانزیکشن سے مطابقت نہیں رکھتا، 14 مارچ تک مشکوک ٹرانزیکشن کا ریکارڈ جمع کرائیں۔
نوٹس میں بتایا گیا ہے کہ سائرہ انور سے مخلتف اکاؤنٹس سے منتقل ہونے والی ٹرانزیکشن کا جواب طلب کیا ہے، سائرہ انور سے کروڑوں روپے کی مبینہ ٹرانزیکشن کے بارے میں تفصیلات طلب کی گئی ہیں۔
سائرہ انور کو بھیجے گئے ایف آئی اے کے نوٹس میں کہا گیا ہے آپ کو پہلے بھی موقع دیا گیا، آپ مشکوک ٹرانزیکشن کے بارے میں وضاحت نہیں دے سکیں۔
