وزارت خزانہ اور آئی ایم ایف کے درمیان جمعہ کی رات مذاکرات نہ ہوسکے

اسلام آباد: وزارت خزانہ اور آئی ایم ایف حکام کے درمیان جمعہ کی رات مذاکرات نہ ہوسکے۔

وزارت خزانہ کے ذرائع کا بتانا ہےکہ دونوں اطراف سے جمعرات کے اختلافی نکات پر غور کے لیے وقفہ لیا گیا ہے، اب وزارت خزانہ اور آئی ایم ایف حکام کے درمیان مذاکرات 13 مارچ کو ہوں گے ۔

ذرائع کے مطابق گزشتہ رات اسٹیٹ بینک اور آئی ایم ایف حکام کے درمیان مذاکرات ہوئے  جس میں ایم ای ایف پی کے نکات پر مذاکرات کیےگئے۔

ذرائع کا کہنا ہےکہ پاکستان نے اسٹاف لیول معاہدے کے لیے ایم ای ایف پی کی تمام پیشگی شرائط پر عملدرآمدکردیا ہے۔

آئی ایم ایف کی شرائط پر عمل جاری، برآمدی شعبے اور کسانوں کیلئے بجلی پر سبسڈی ختم

نیپرا نے فیصلہ نوٹیفکیشن کے لیے وفاقی حکومت کو بھجوادیا اور کہا سبسڈی دینے اور ختم کرنے کا اختیار وفاقی حکومت کا ہے۔

آئی ایم ایف کو بیرونی فنانسنگ کے تمام راستوں پر تصدیق ملنا شروع

تمام ممکنہ راستوں سے بیرونی فنانسنگ پر 200 فیصد تصدیق حاصل کیے بغیر اسٹاف لیول معاہدہ نہیں ہوگا: سر کاری ذرائع