14 مارچ ، 2023 
پاکستان
فوٹو: فائل
لانگ مارچ میں توڑ پھوڑکا کیس: علی امین گنڈاپورکے ناقابل ضمانت وارنٹ گرفتاری منسوخ
14 مارچ ، 2023
ڈسٹرکٹ اینڈ سیشن کورٹ اسلام آباد نے تحریک انصاف کے لانگ مارچ کے دوران توڑپھوڑ کے کیس میں علی امین گنڈاپور کے ناقابل ضمانت وارنٹ گرفتاری منسوخ کردیے۔
سول جج رانا مجاہد رحیم نے پی ٹی آئی لانگ مارچ کے دوران توڑپھوڑ سے متعلق تھانہ مارگلہ میں درج مقدمے میں علی امین گنڈا پورکے وارنٹ منسوخ کیے۔
علی امین گنڈا پور کے وکیل راجہ ظہور نے عدالت میں دلائل دیےکہ اسلام آباد ہائی کورٹ میں تفتیشی افسر نے بیان دیا کہ ملزم مطلوب نہیں، تھانہ مارگلہ میں درج مقدمے میں علی امین گنڈا پور نامزد بھی نہیں، اسلام آباد ہائی کورٹ درخواست نمٹا چکی ہے۔
عدالت نے ہائی کورٹ کے فیصلے کی روشنی میں علی امین گنڈاپور کے وارنٹ منسوخ کردیے اور کیس کی سماعت 12 اپریل تک ملتوی کردی۔
