گاڑی کی ٹکر کے بعد طالبہ نے ایمبولینس سے بورڈ کا امتحان دیدیا

بھارت: ممبئی سے تعلق رکھنے والی طالبہ نے حادثے کے بعد ایمبولینس سے ہی  بورڈ کا امتحان دے دیا۔

بھارتی میڈیا رپورٹس کے مطابق مبشرہ صادق دسویں جماعت کی طالبہ ہیں جو جمعہ کے روز سائنس کا امتحان دینے کے بعد گھر جارہی تھیں لیکن سڑک کراس کرتے ہوئے انہیں ایک گاڑی نے ٹکر ماردی۔

22 سالہ لڑکی بیٹےکو جنم دینےکے بعد ایمبولینس میں امتحان دینے پہنچ گئی

منگل کے روز میرا ریاضی کا پرچہ تھا، پرچہ دینے کے دوران مجھے تکلیف ہورہی تھی، گھر آکر بھی تکلیف کم ہونے کے بجائے بڑھ گئی جس کے بعد رات گئے مجھے اسپتال لے جایا گیا: لڑکی کا بیان

مبشرہ کو اس حادثے میں شدید چوٹیں آئیں اور بائیاں پاؤں بھی متاثر ہوا، طالبہ کی اسی روز سرجری بھی کی گئی جس کے بعد ڈاکٹرز نے اسے دو ہفتے مکمل آرام کا مشورہ دیا۔

تاہم طالبہ نے اپنی اسکول کی ٹیچرز سے درخواست کی کہ وہ اگلا امتحان اسی حالت کے باوجود دینا چاہتی ہے، مبشرہ کی اس درخواست کو ایجوکیشن بورڈ کے سامنے رکھا گیا جنہوں نے یہ درخواست قبول کرلی۔

رپورٹس میں بتایا گیا کہ مبشرہ نے ایمبولینس کے اندر سے امتحان دیا جس کی نگرانی کے لیے اندر ٹیچر موجود تھیں۔