07 اپریل ، 2023 
پاکستان
چیف جسٹس کس قانون کے تحت آڈٹ نہیں کرارہے اورکون سے قانون کے تحت تنخواہیں بڑھا رہے ہیں: نور عالم خان/ فائل فوٹو
چیئرمین پبلک اکاؤنٹس کمیٹی نے سپریم کورٹ کے آڈٹ پر سوال اٹھادیا
07 اپریل ، 2023
اسلام آباد: پبلک اکاؤنٹس کمیٹی کے چیئرمین نور عالم خان نے سپریم کورٹ کے آڈٹ پر سوال اٹھا دیا۔
قومی اسمبلی میں اظہار خیال کرتے ہوئے نور عالم خان نے کہا کہ 2010 سے سپریم کورٹ کا آڈٹ نہیں ہوا، چیف جسٹس کس قانون کے تحت آڈٹ نہیں کرارہے اورکون سے قانون کے تحت تنخواہیں بڑھا رہے ہیں۔
چیئرمین پی اے سی نے کہا کہ ملک غریب ہورہا ہے اور یہ لوگ پلاٹوں کے پیچھے لڑ رہے ہیں، بھاشا ڈیم کیلئے کتنے پیسے جمع اور خرچ کتنے ہوئے، ڈیم فنڈز کا آڈٹ کرانا چاہتے ہیں۔
نور عالم خان کا کہنا تھا کہ ادارے نے اسٹیٹ بینک کو روک دیاکہ فنڈ کی تفصیلات نہیں دینی، کرپشن کےجتنےکیس پکڑتا ہوں ان پر عدالتیں اسٹے آرڈر دے دیتی ہیں۔
