بابراعظم اچھے کھلاڑی کے ساتھ بہترین کپتان بھی ہیں: حارث رؤف

قومی کرکٹ ٹیم کے فاسٹ بولر  حارث رؤف نے کہا ہےکہ میں نے اپنی انٹرنیشنل کرکٹ بابر اعظم کی کپتانی میں کھیلی، بابر اعظم اچھے کھلاڑی کے ساتھ بہترین کپتان ہیں اور فیلڈ میں بھی بابر اعظم ہمیشہ سپورٹ کرتے ہیں۔

دوسرے ٹی ٹوئنٹی میچ میں کامیابی کے بعد جیو سےگفتگو کرتے ہوئے فاسٹ بولر حارث رؤف کا کہنا  تھا کہ میچ جیتنے پر سب سے پہلے اللہ تعالیٰ کا شکر ادا کرتا ہوں، بطور ٹیم بیک ٹو بیک میچ جیتنا کافی اچھی بات ہے۔

پاکستان نے نیوزی لینڈ کو دوسرے ٹی ٹوئنٹی میں بھی شکست دے دی

193 رنز کے ہدف کے تعاقب میں 154 رنز بناسکی، حارث رؤف نے 4 کھلاڑیوں کو آؤٹ کیا، بابر اعظم 101 رنز بنا کر ناقابل شکست رہے

فاسٹ بولر  نے کہا کہ سب سے پہلے وکٹ کو ریڈ کیا اور سلو بال کرنے کی کوشش کی، وکٹ حاصل کرنے سے زیادہ کوشش ہوتی ہے ڈاٹ بالز کروں اور پھر تیسرا اوور کرنے آیا تو وکٹ لینے میں کامیاب ہوا۔

حارث رؤف کا کہنا ہے کہ مجھ سمیت بابراعظم کی بیٹنگ کو سب انجوائے کرتے ہیں، جس طرح بیک ٹو بیک وکٹیں گری تو بابراعظم نے مومینٹم برقرار  رکھا۔

انہوں نے مزیدکہا کہ میں نے اپنی انٹرنیشنل کرکٹ بابراعظم کی کپتانی میں کھیلی، بابر اعظم اچھے کھلاڑی کے ساتھ بہترین کپتان ہیں، فیلڈ میں بھی بابراعظم ہمیشہ سپورٹ کرتے ہیں، کوشش یہی ہےکہ جیت کے تسلسل کو برقرار رکھیں۔