18 اپریل ، 2023 
سوڈان: جھڑپوں میں ہلاکتیں 185 ہوگئیں، امریکی سفارتی قافلے پر بھی حملہ
18 اپریل ، 2023
سوڈان میں جاری جھڑپوں میں امریکی سفارتی قافلے پربھی فائرنگ کی گئی جس میں کوئی جانی نقصان نہیں ہوا۔
غیر ملکی میڈیا کے مطابق اس واقعے پر ردعمل دیتے ہوئے امریکی وزیر خارجہ انٹونی بلنکن نے کہا کہ یہ عمل انتہائی غیر ذمہ دارانہ اورغیر محفوظ ہے۔
میڈیا رپورٹس کے مطابق سوڈان میں مخالف گروپوں کے درمیان خونریز جھڑپیں جاری ہیں جہاں اس سے قبل دارالحکومت خرطوم میں واقع سوڈان میں یورپی سفیر ایڈن اوہارا کے گھرپر بھی حملہ کیا گیا تھا۔
آئرش وزیر خارجہ کا کہنا ہےکہ خرطوم میں واقع گھر پر ہونے والے حملے میں یورپی سفیر محفوظ ہیں۔
میڈیا رپورٹس کے مطابق سوڈان میں جاری تین دن کی لڑائی میں اب تک 185 افراد کی ہلاکت کی تصدیق ہوچکی ہے اور 1800 سے زائد زخمی ہیں۔
اقوام متحدہ کا کہنا ہےکہ خرطوم میں ہونے والے فضائی حملوں میں شیلنگ اور بھاری اسلحے کا استعمال کیا گیا ہے جب کہ فوجی اور پارلیمانی گروپ دونوں نے خرطوم کے اہم علاقوں پر قبضوں کا دعویٰ کررکھا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
10 گھنٹے پہلے
غزہ پر اسرائیلی بمباری سے مزید 38 فلسطینی شہید
12 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
