24 اپریل ، 2023 
پاکستان
لاہور: والدہ کی وفات پر آنیوالی خاتون دن دیہاڑے لٹ گئی، ڈاکو برطانوی پاسپورٹ بھی لے گئے
24 اپریل ، 2023
لاہور میں ساندہ کے علاقے میں پاکستانی نژاد برطانوی خاتون سے دن دہاڑے ڈکیتی کی واردات ہو گئی۔
یوسف روڈ اسلام پورہ میں ایک روز قبل صبح 6 بجے کے قریب خاتون کے ساتھ ہونے والی واردات کی سی سی ٹی وی فوٹیج بھی سامنے آ گئی ہے۔
پولیس کے مطابق خاتون والدہ کی وفات پر پاکستان آئی ہوئی تھیں، خاتون برطانیہ واپسی کے لیے ائیرپورٹ جانے کے لیے گھر سے نکلیں تو واردات ہو گئی، ڈاکوؤں نے خاتون سے جیولری، برطانوی پاسپورٹ، پاؤنڈز اور لیپ ٹاپ بھی لوٹ لیا۔
سی سی ٹی وی فوٹیج میں دیکھا جا سکتا ہے کہ دو ڈاکو موٹرسائیکل پر آئے اور گاڑی کی چابی بھی لے گئے، ڈاکوؤں کی عمریں 25 سے 30 سال کے قریب ہیں۔
پولیس نے واقعے کا مقدمہ درج کرکے تحقیقات کا آغاز کر دیا ہے۔
