29 اپریل ، 2023 
پاکستان
جسٹس مظاہر اکبر نقوی کا رویہ عہدے کے حلف کے خلاف ہے لہٰذا ان کے خلاف انکوائری دوبارہ شروع کرائی جائے: ریفرنس میں مؤقف— فوٹو:فائل
سندھ بار کونسل نے بھی سپریم کورٹ کے جسٹس مظاہر نقوی کیخلاف ریفرنس دائر کردیا
29 اپریل ، 2023
سندھ بار کونسل نے بھی سپریم کورٹ کے جسٹس مظاہر اکبر نقوی کے خلاف ریفرنس دائر کردیا۔
جسٹس مظاہر اکبر نقوی کے خلاف ریفرنس وائس چیئرمین کے توسط سے سپریم جوڈیشل کونسل میں دائر کیا گیا۔
ریفرنس میں کہا گیا ہے کہ جسٹس مظاہر اکبر نقوی کا رویہ عہدے کے حلف کے خلاف ہے لہٰذا ان کے خلاف انکوائری دوبارہ شروع کرائی جائے۔
خیال رہے کہ جسٹس مظاہر اکبر نقوی کے خلاف کئی ریفرنسز سپریم جوڈیشل کونسل میں دائر کیے گئے ہیں۔
سپریم کورٹ کے سینیئر ترین جج قاضی فائزعیسٰی اور جسٹس طارق مسعود نے مظاہر نقوی کیخلاف ریفرنسز کے معاملے پر سپریم جوڈیشل کونسل کا اجلاس بلانے کیلئے چیف جسٹس سمیت دیگر ارکان کو خط بھی لکھا ہے تاہم اب تک اس معاملے پر اجلاس نہیں بلایا گیا۔
