30 اپریل ، 2023 
کراچی کے کئی علاقوں میں شہری پینے کے پانی کو ترس گئے
30 اپریل ، 2023
کراچی کے کئی علاقوں میں پانی کی فراہمی کئی ماہ سے معطل ہونے کے باعث شہریوں کو پینے کا صاف پانی دستیاب نہیں ہے۔
کراچی میں پانی کی قلت کا اندازہ اس بات سے لگایا جاسکتا ہے کہ تقریباً شہر کے ہر دوسرے شخص کو اس کے حصے کا پانی مل نہیں رہا، شہر کے گنجان آباد علاقے عزیز آباد، لیاری، نارتھ کراچی اور کورنگی سمیت مختلف علاقوں میں پانی کی فراہمی معطل ہے۔
عزیز آباد کے رہائشیوں کے مطابق واٹر اینڈ سیوریج بورڈ کی نااہلی سے صاف پانی میں سیوریج کا پانی شامل ہونے سے معمولات زندگی تباہ ہوچکی ہے۔
علاقہ مکینوں کا کہنا ہے کہ اب شکایات درج کروا کر بھی تھک چکے ہیں لیکن متعلقہ ادارے کے کانوں پر جوں تک نہیں رینگتی۔
شہری کہتے ہیں کہ جہاں حکومت کی جانب سے گھروں میں پانی فراہم کیا جانا چاہیے وہیں ان کے حصے کا پانی ان کو مہنگے داموں میں فروخت کیا جارہا ہے۔
