03 مئی ، 2023 
پاکستان
وزیراعظم ہفتے کو برطانوی حکومت کی دعوت پر برطانیہ کے بادشاہ کی تاج پوشی کی شاہی تقریب میں شرکت کریں گے/ فائل فوٹو
وزیراعظم شہباز شریف ایک ہفتے کے غیر ملکی دورے پربرطانیہ روانہ
03 مئی ، 2023
اسلام آباد: وزیراعظم شہباز شریف ایک ہفتے کے غیر ملکی دورے پر برطانیہ روانہ ہوگئے۔
ذرائع کے مطابق وزیراعظم شہباز شریف خصوصی طیارے میں اپنے وفد کے ہمراہ دورے پر روانہ ہوئے، وہ لاہور سے براہ راست لندن پہنچیں گے۔
ذرائع کے مطابق وزیراعظم ہفتے کو برطانوی حکومت کی دعوت پر برطانیہ کے بادشاہ کی تاج پوشی کی شاہی تقریب میں شرکت کریں گے۔
شہباز شریف لندن میں اپنے بھائی اور سابق وزیراعظم نواز شریف سے بھی ملاقات کریں گے۔
ذرائع کے مطابق قوی امکان ہے کہ وزیراعظم شہباز شریف وطن واپسی سے قبل ترکیہ اور سعودی عرب بھی جائیں تاہم حتمی پروگرام ابھی سامنے نہیں آیا۔
