06 مئی ، 2023 
پاکستان
مقتول رات گئے شادی کی تقریب میں گیا تھا، سادہ لباس پولیس اہلکار عظیم اقبال موٹر سائیکل پر واپس آرہا تھا کہ اسے نامعلوم ملزمان نے فائرنگ کا نشانہ بنایا: پولیس/ فائل فوٹو
کراچی: سرجانی میں فائرنگ سے پولیس اہلکار جاں بحق
06 مئی ، 2023
کراچی: سرجانی موڑ گرین بس اسٹاپ کے قریب نامعلوم ملزمان کی فائرنگ سے پولیس اہلکار جاں بحق ہوگیا۔
پولیس حکام کے مطابق مقتول رات گئے شادی کی تقریب میں گیا تھا، سادہ لباس پولیس اہلکار عظیم اقبال موٹر سائیکل پر واپس آرہا تھا کہ اسے نامعلوم ملزمان نے فائرنگ کا نشانہ بنایا۔
پولیس کا کہنا ہےکہ مقتول پولیس اہلکار سرجانی کا رہائشی تھا، مقتول کے پاس سے کوئی اشیاء نہیں چھینی گئی، مقتول اہلکار سے ایک 30 بورپستول،موبائل فون، پرس،نقد رقم اور موٹرسائیکل ملی ہے۔
پولیس کے مطابق جائے وقوعہ سے دو تیس بور پستول کےخول ملے ہیں، فارنزک ٹیم نے جائے وقوعہ سے شواہد اکٹھا کرکے تحقیقات شروع کردی ہے۔
