25 دسمبر ، 2012 
پہلی پاک انڈیا سیریز کا پہلا ٹی ٹوئنٹی آج شام بنگلور میں ہوگا
25 دسمبر ، 2012
بنگلور …پہلی پاک انڈیا سیریز کا پہلا ٹی ٹوئنٹی آج شام بنگلور میں ہوگا، انگلینڈ کے ہاتھوں شکست کے زخموں سے چور بھارتی کرکٹ ٹیم کو پاکستان کے خلاف ٹی ٹوئینٹی سیریز میں ایک اور مشکل امتحان سے گزرنا ہوگا۔لائٹ ،کیمرا اور ایکشن کے اعلان کے ساتھ ایشیاء کے ستاروں کی کہکشاں جگمگانے کے لئے تیار ہے۔ہائی وولٹیج میچ میں اعصاب شکن معرکے کے لئے اسٹیج تیار ہے۔تاہم 2009کا ورلڈ ٹی ٹوئینٹی جیتنے والی گرین شرٹس کی ٹیم کو بھارت کے خلاف اس طرز کی کرکٹ میں پہلی جیت کا انتظار ہے۔منگل کو بنگلور کے چنا سوامی اسٹیڈیم میں روایتی حریفوں کا ٹاکرا پہلے ٹی ٹوئینٹی انٹر نیشنل میں ہورہا ہے۔پاکستان اور بھارت کے درمیان پانچ سال کے طویل وقفے کے بعد ہونے والی اس سیریز کے پہلے ہی میچ کے ساتھ یہاں بنگلور میں کرکٹ کا بخار اپنے عروج پر ہے اورچالیس ہزار تماشائیوں کی گنجائش والے اسٹیڈیم کے لئے ٹکٹ کا حصول ناممکن ہوگیا ہے اور میچ کے ٹکٹ نایاب ہوگئے ہیں۔
