جناح ہاؤس حملہ: جیو فینسنگ سے 35 موبائل نمبرٹریک، تعلق پی ٹی آئی سے ہے، پولیس ذرائع

موبائل صارفین حملے کے وقت کئی گھنٹے جناح ہاؤس اور دیگر حساس تنصیبات کے پاس رہے: پولیس ذرائع— فوٹو:فائل
موبائل صارفین حملے کے وقت کئی گھنٹے جناح ہاؤس اور دیگر حساس تنصیبات کے پاس رہے: پولیس ذرائع— فوٹو:فائل

لاہور میں جناح ہاؤس پر حملےکی تحقیقات میں مزید پیشرفت ہوئی ہے۔

پولیس ذرائع کے مطابق پولیس نے جیو فینسنگ کی مدد سے 35 موبائل نمبر ٹریک کرلیے ہیں اور موبائل نمبر کالز کا ڈیٹا بھی اکٹھا کر لیا گیا ہے۔

پولیس ذرائع نے بتایا کہ موبائل صارفین حملے کے وقت کئی گھنٹے جناح ہاؤس اور دیگر حساس تنصیبات کے پاس رہے، ان صارفین کے کوائف اور پتے سمیت تمام تفصیلات حاصل کر لی گئیں ہیں۔

پولیس ذرائع کا کہنا ہے کہ ان موبائل صارفین کی سیاسی وابستگی پاکستان تحریک انصاف سے ہے۔

خیال رہے کہ 9 مئی کو پاکستان تحریک انصاف کے چیئرمین عمران خان کی گرفتاری کے بعد لاہور میں پی ٹی آئی مظاہرین نے جناح ہاؤس پر دھاوا بولا تھا اور آگ لگا دی تھی۔

مزید خبریں :