20 مئی ، 2023 
مکہ مکرمہ: ہوٹل میں آگ لگنے سے 8 پاکستانی عمرہ زائرین جاں بحق، متعدد زخمی
20 مئی ، 2023
سعودی عرب کے شہر مکہ مکرمہ کے ایک ہوٹل میں آتشزدگی کے واقعہ میں 8 پاکستانی عمرہ زائرین جاں بحق ہوگئے۔
پاکستان قونصل ویلفیئر کے مطابق آگ جمعہ کو مکہ مکرمہ میں ابراہیم خلیل روڈ پر واقع ایک ہوٹل میں لگی جس کے نتیجے میں 8 پاکستانی عمرہ زائرین جاں بحق اور متعدد زخمی ہوگئے۔
پاکستان قونصل ویلفیئر کا کہنا ہے کہ جاں بحق 4 پاکستانیوں کی شناخت ہوگئی ہے، 2 عمرہ زائرین کا تعلق وہاڑی اور 2 کا قصور سے ہے۔
دوسری جانب پاکستانی دفتر خارجہ کے مطابق جمعہ کو مکہ مکرمہ کے ایک ہوٹل میں آتشزدگی کے افسوسناک واقعے میں 8 پاکستانی جاں بحق اور 6 زخمی ہوگئے۔
مکہ مکرمہ کے ہوٹل میں آگ لگنے کے واقعے میں ہلاکتوں کے حوالے سے میڈیا کے سوالات کے جواب میں ترجمان دفتر خارجہ نے کہا کہ ہمارے پاس واقعے میں 8 پاکستانیوں کی ہلاکتوں اور 6 کے زخمی ہونے کی اطلاعات ہیں۔
دفتر خارجہ کے مطابق جدہ میں ہمارے حکام متاثرین اور ان کے اہل خانہ کو امداد فراہم کرنے کے لیے مقامی حکام سے رابطے میں ہیں۔
گورنر سندھ کامران ٹیسوری نے مکہ کے ہوٹل میں آگ لگنے سے پاکستانیوں کے جاں بحق ہونے پر اظہار افسوس کیا۔
ترجمان کے مطابق گورنر سندھ نے لواحقین سے اظہار تعزیت کرتے ہوئے کہا کہ دکھ کی اس گھڑی میں مرحومین کے ورثاء کے ساتھ ہیں۔
مزید خبریں :
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
