27 مئی ، 2023 
امریکی مشن اپولو کا چاند سے لایا گیا کون سا تحفہ پاکستان کو دیا گیا؟
27 مئی ، 2023
امریکی سفیر ڈونلڈ بلوم نے سندھ کا دورہ کیا ہے۔
امریکی سفیر ڈونلڈ بلوم نے دورہ سندھ کے دوران نیشنل میوزیم کراچی میں تاریخی و نایاب اشیاء اور نوادرات کے ساتھ ساتھ چاند کے پتھر کا ایک ٹکڑا بھی دیکھنے کا موقعہ ملا جو امریکی مشن اپولو کے عملے نے پاکستان کو تحفے میں دیا تھا۔
چاند سے لایا گیا قیمتی پتھر اہل پاکستان کیلئے تحفہ کہا گیا تھا۔
انسانی عظمت کا یہ بے مثال نمونہ 17 جون 1973 سے نیشنل میوزیم کراچی کی زینت بنا ہوا ہے۔
امریکی سفیر کا کہنا تھا کہ ’نیشنل میوزیم میں پاکستان کی شاہکار ثقافتی تاریخ کے علاوہ سندھ اور بلوچستان کے آثار قدیمہ کا مشاہدہ کرنے پر بے حد خوشی ہوئی ہے۔
ان کا کہنا تھاکہ پاکستان کے ساتھ ایک دوسرے کے ثقافتی ورثے سمیت احترام کی بنیاد پر تعلقات استوار ہوئے، باہمی تعلقات کو برقرار و مستحکم رکھنا امریکا کیلئے باعث فخر ہے۔
