04 جون ، 2023 
پاکستان فٹبال فیڈریشن ایونٹس میں شرکت کیلئے حکومتی اجازت کا منتظر
04 جون ، 2023
پاکستان فٹبال فیڈریشن(پی ایف ایف) اگلے دو ایونٹس میں شرکت کیلئے حکومتی اجازت کا منتظر ہے۔
پاکستان کو ماریشس میں چار ملکی ٹورنامنٹ اور بھارت میں ساف کپ میں حصہ لینا ہے جس کیلئے پاکستان فٹبال ٹیم میں شامل پلیئرز نے بھی حکومت سے جلد این او سی کی اپیل کردی ہے۔
پلیئرز کا کہنا ہے کہ ہم نے ایونٹ کیلئے بہت محنت کی ہے، عوام کو مایوس نہیں کریں گے، اسپورٹس بورڈ این او سی دے تاکہ ہم صرف ٹریننگ پر فوکس رکھیں۔
ذرائع کا بتانا ہے کہ پی ایف ایف نے ضمانتی بونڈ سمیت تمام دستاویزات جمع کرا دی ہیں لیکن اسپورٹس بورڈ کی جانب سے تاحال جواب موصول نہیں ہوا، پاکستان فٹبال ٹیم کو 8 جون کو ماریشس اور پھر وہاں سے بھارت روانہ ہونا ہے۔
دوسری جانب فٹبال فیڈریشن کی پوسٹ پر اسپورٹس بورڈ نے سوشل میڈیا پر جواب دیا ہے کہ این او سی کیلئے فیڈریشنز کا چار سے چھ ہفتے قبل درخواست بھیجنا ضروری ہے۔
پی ایف ایف کی درخواست 23 مئی کو موصول ہوئی جو نامکمل اور تاخیر سے تھی، پاکستان اسپورٹس بورڈ نے این او سی کیلئے آئی پی سی، خارجہ اور داخلہ کی وزارت میں کام شروع کردیا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
