ایم کیو ایم پاکستان سندھ اسمبلی میں اپوزیشن لیڈر کے نام کا فیصلہ آج بھی نہ کر سکی

کراچی: ایم کیو ایم پاکستان کے اراکین سندھ اسمبلی کا اجلاس ہوا جس میں سندھ اسمبلی میں اپوزیشن لیڈر کے حوالے سے بات چیت کی گئی۔

ذرائع کے مطابق ایم کیو ایم پاکستان کے مرکز بہادر آباد پر ہونے والے اجلاس کی صدارت پارٹی کنوینر ڈاکٹر خالد مقبول صدیقی نے کی۔

ذرائع کا بتانا ہے کہ اجلاس میں سندھ اسمبلی میں اپوزیشن لیڈر کے حوالے سے بات چیت ہوئی، اراکین اسمبلی نے اپوزیشن لیڈر کے حوالے سے اپنی اپنی رائے دی۔

ذرائع کا بتانا ہے کہ اجلاس میں اپوزیشن لیڈر کے حوالے سے گرینڈ ڈیموکریٹک الائنس (جی ڈی اے) سے بھی بات چیت کا فیصلہ کیا گیا۔

ذرائع کے مطابق ایم کیو ایم پاکستان آج بھی اپوزیشن لیڈر کے لیے نام کا حتمی فیصلہ نہ کر سکی۔