10 جون ، 2023 
پاکستان
جوڈیشل کمیشن کے اجلاس میں پشاورہائیکورٹ کی چیف جسٹس مسرت ہلالی کی سپریم کورٹ میں تعیناتی پر غور ہوگا: ذرائع— فوٹو:فائل
سپریم کورٹ میں 2 ججز کی تعیناتی، جوڈیشل کمیشن کا اجلاس 14 جون کو ہوگا
10 جون ، 2023
سپریم کورٹ میں دو خالی نشستوں پر نئے ججز کی تقرری کے معاملے پر چیف جسٹس عمر عطا بندیال کی زیر صدارت جوڈیشل کمیشن کا اجلاس14 جون کو ہوگا۔
ذرائع کے مطابق جوڈیشل کمیشن کے اجلاس میں پشاورہائیکورٹ کی چیف جسٹس مسرت ہلالی کی سپریم کورٹ میں تعیناتی پر غور ہوگا۔
ذرائع کا بتانا ہے کہ سپریم کورٹ کے سینیئر ترین جج قاضی فائز عیسیٰ نے جسٹس مسرت ہلالی کا نام تجویز کیا تھا۔
جسٹس فائز عیسیٰ نے خط میں چیف جسٹس سندھ ہائیکورٹ کا نام بھی تجویز کیا تھا۔
خیال رہے کہ سپریم کورٹ آف پاکستان میں 15 ججز تعینات ہیں اور دو ججز کی تقرری ہونا باقی ہے۔
