17 جون ، 2023 
جرائم
سکھر میں پسند کی شادی پر رشتے داروں نے گھر میں گھس کر لڑکی کو قتل کردیا
17 جون ، 2023
سکھر میں پسند کی شادی کرنے پر رشتے داروں نے گھر میں گھس کر لڑکی کو قتل کردیا۔
پولیس کے مطابق واقعہ گوٹھ لال مشائخ میں پیش آیا جہاں ملزمان نے لڑکی کے گھر میں گھس کر فائرنگ کی۔
پولیس کا کہنا ہے کہ فائرنگ سے لڑکی موقع پر جاں بحق ہوگئی۔
پولیس کے مطابق مقتولہ نے مارچ میں پسند کی شادی کی تھی، پوسٹ مارٹم کے لیے لاش اسپتال منتقل کردی گئی۔
پولیس کا کہنا ہے کہ ملزمان کو جلد گرفتار کرلیا جائے گا۔
