پاکستان
23 فروری ، 2012
23 فروری ، 2012 
ٹھٹھہ میں پولیس موبائل رہائشی کمرے میں تبدیل
23 فروری ، 2012
ٹھٹھہ … ٹھٹھہ حیدرآباد شاہراہ پر قائم پولیس چیک پوسٹ پر کھڑی موبائل کواہلکاروں نے رہائشی کمرے میں تبدیل کردیا ہے ۔ قومی شاہراہ پر جرائم کی بڑھتی ہوئی وارداتوں کی پیش نظر ٹھٹھہ پولیس کی جانب سے پیرلاکھو پر پولیس چیک پوسٹ قائم کرکے ایک موبائل گشت کے لئے فراہم کی گئی،پولیس اہلکاروں نے گشت کے بجائے موبائل کا انوکھا استعمال شروع کردیا اور اس کو کمرے میں تبدیل کرکے آرام کرنے اور سکون سے رات گزارنے کے لئے بستر لگادیے،سرد ہواوٴں کو روکنے کے لئے موبائل کے کھلے حصوں پر پردے بھی لگائے گئے ہیں۔ اس صورتحال کے باعث جرائم پیشہ عناصر بدستور دندناتے پھر رہے ہیں اور پولیس خواب خرگوش کے مزے لوٹ رہی ہے۔
