مقبوضہ کشمیر: ہندو انتہا پسندوں کا گھوڑی بانوں پر تشدد، 40 زخمی
23 جولائی ، 2023
مقبوضہ کشمیر میں انتہا پسند ہندوؤں کی جانب سے کشمیری گھوڑی بانوں کو تشدد کا نشانہ بنانے کے بعد خیموں اور باورچی خانوں کو نذر آتش کردیا گیا۔
انتہا پسندوں کے تشدد سے 40 سے زائد گھوڑی بان زخمی ہوگئے جبکہ شدت پسندوں نے 300 خیموں اور 10 باورچی خانوں کو بھی آگ لگا دی۔
امرناتھ یاترا کے دوران انتہا پسند ہندوؤں اور کشمیری گھوڑی بانوں کے درمیان شدید جھگڑا ہوا، لین دین کے معاملے کو انتہا پسند یاتریوں نے مذہبی رنگ دے دیا جبکہ پولیس خاموش تماشائی بنی رہی۔
پتھراؤ کے باعث امرناتھ میں حالات سنگین ہوگئے جبکہ کشمیری گھوڑی بانوں نے احتجاجاً یاتریوں کی سواری سروس معطل کر دی۔
