03 اگست ، 2023 
پاکستان
ملزم قتل اور اقدام قتل سمیت دیگر سنگین جرائم میں ملوث تھا: پولیس/ فائل فوٹو
پشاور: قتل کیس کا ملزم پولیس حراست سے فرار
03 اگست ، 2023
پشاور میں قتل کیس کا ملزم پولیس حراست سے فرار ہوگیا۔
پولیس کے مطابق ملزم قتل اور اقدام قتل سمیت دیگر سنگین جرائم میں ملوث تھا جس کے فرار کے بعد غفلت برتنے پر4 پولیس اہلکاروں کو گرفتارکرکے معطل کردیا گیا ہے۔
پولیس کا کہنا ہےکہ ملزم قمرعزیز کو علاج کے لیے جوڈیشل لاکپ سے پولیس سروسز اسپتال لایا گیا تھا، ملزم کو نجی گاڑی میں جیل منتقل کیا جارہا تھا، اسپتال سے سینٹرل جیل منتقل کرنے کے دوران ملزم فرارہوگیا۔
پولیس کے مطابق متعلقہ پولیس اہلکاروں کے خلاف تھانا گلفت حسین ہشت نگری میں مقدمہ درج کرلیا گیا ہے۔
