ورلڈ کپ: قومی ٹیم کی روانگی سے قبل سکیورٹی وفد بھارت بھیجنے کی تجویز پر غور

پاکستان کرکٹ ٹیم کی رواں برس بھارت میں ہونے والے ورلڈ کپ میں شرکت کے معاملے پر بنائی گئی حکومتی کمیٹی کا پہلا اجلاس اسلام آباد میں ہوا جس میں اکثریت نے ٹیم کو ورلڈ کپ کیلئے بھارت بھیجنے پر اتفاق کیا تاہم ٹیم کی بھارت روانگی سے قبل سکیورٹی کی ضمانت حاصل کی جائے گی، انتظامات کا جائزہ لینے کیلئے ٹیم کی روانگی سے قبل ایک وفد بھارت بھیجنے کی تجویز پر بھی غور کیا گیا۔

پاکستان کرکٹ ٹیم کو اس سال اکتوبر نومبر میں بھارت میں کرکٹ ورلڈ کپ میں شرکت کرنی ہے، پاکستان کرکٹ بورڈ ( پی سی بی) نے قومی ٹیم کی انڈیا روانگی کے حوالے سے وزیر اعظم شہباز شریف سے رائے لی تھی جس پر وزیر اعظم نے وزیر خارجہ بلاول بھٹو کی سربراہی میں کمیٹی تشکیل دی تھی۔

کمیٹی کا پہلا اجلاس جمعرات کو دفتر خارجہ میں ہوا جس میں مختلف وفاقی وزراء اور وزرائے مملکت کے ساتھ سینیئر سیاستدانوں، دفتر خارجہ کے افسران  اور سکیورٹی اداروں کے نمائندوں نے بھی شرکت کی۔

ورلڈکپ میں پاک بھارت میچ ری شیڈول ہو گا، نئی تاریخ بھی سامنے آگئی

5 اکتوبر سے شروع ہونے والے ورلڈ کپ کے شیڈول میں چند تبدیلیاں کی جائیں گی، 15 اکتوبر کو شیڈول پاک بھارت میچ کی تاریخ تبدیل ہو گی: بھارتی میڈیا

پاکستان کرکٹ بورڈ کی منیجمنٹ کمیٹی کے سربراہ ذکاء اشرف نے بھی خصوصی طور پر اجلاس میں شرکت کی اور معاملات پر شرکاء کو بریفنگ دی ۔

ذرائع کے مطابق اجلاس میں اکثریت اس بات پر متفق تھی کہ ٹیم کو ورلڈ کپ کیلئے انڈیا جانا چاہیے تاہم یہ رائے بھی سامنے آئی کہ جب بھارت پاکستان نہیں آرہا تو پاکستان کو بھی نہیں جانا چاہیے۔

ذرائع کا کہنا ہے کہ اس بات پر اتفاق ہوا ہے کہ ٹیم کی روانگی سے قبل بھارتی حکومت سے سکیورٹی کی گارنٹی لی جائے۔

زیادہ پیسے ہونیکی وجہ سے بھارتی کرکٹرز مغرور ہو گئے ہیں:کپل دیو پھٹ پڑے

کبھی کبھی جب بہت زیادہ پیسہ آجاتا ہے تو اس کے ساتھ تکبر اور غرور بھی انسان میں آتا ہے، یہ کرکٹرز سمجھتے ہیں کہ وہ سب کچھ جانتے ہیں، بہت سارے کرکٹرز ہیں جنہیں مدد کی ضرورت ہے: کپل دیو

اجلاس میں پاکستان ٹیم کیلئے سکیورٹی انتظامات کا جائزہ لینے کیلئے ایک سکیورٹی وفد بھی بھارت بھیجنے پر غور ہوا جس کیلئے انٹرنیشنل کرکٹ کونسل (آئی سی سی) اور انڈین حکام سے بات کی جائے گی اور اگر معاملات طے پاگئے تو اگست کے تیسرے ہفتے میں ایک جائزہ وفد بھارت کا دورہ کرسکتا ہے۔