04 اگست ، 2023 
میئر کراچی سندھ ہاکی ایسوسی ایشن کے صدر بھی بن گئے
04 اگست ، 2023
کراچی: میئر کراچی مرتضیٰ وہاب سندھ ہاکی ایسوسی ایشن کے صدر بھی بن گئے۔
سندھ ہاکی ایسوسی ایشن کی مجلس عاملہ کا اجلاس کراچی میں ہوا جس میں مرتضیٰ وہاب کو سندھ ہاکی ایسوسی ایشن کا صدر بنانے کا فیصلہ ہوا۔
مجلس عاملہ کا اجلاس نائب صدر اولمپئن حنیف خان کی زیر صدارت ہوا جس میں شریک 18 ارکان نے متفقہ طور پر میئر کراچی مرتضیٰ وہاب کو سندھ ہاکی ایسوسی ایشن کا صدر بنانے کا فیصلہ کیا۔
مرتضیٰ وہاب سے قبل اولمپئن اصلاح الدین سندھ ہاکی ایسوسی ایشن کے صدر تھے۔
اولمپئن حنیف خان کا کہنا ہے کہ میئر کراچی مرتضیٰ وہاب کی رضامندی سے انہیں سندھ ہاکی ایسوسی ایشن کی صدارت کا عہدہ دیا گیا۔
اس حوالے سے مرتضیٰ وہاب کا کہنا تھا سندھ ہاکی ایسوسی ایشن کی صدارت چیلنج سمجھ کر قبول کی ہے، سندھ ہاکی ایسوسی ایشن کا صدر بننا اعزاز کی بات ہے ۔
انہوں نے کہا کہ بدقسمتی سے قومی کھیل ہاکی تنزلی کا شکار ہے، سندھ حکومت نے ہمیشہ ہاکی کو سپورٹ کیا ہے، ہاکی لیجنڈز نے سرپرستی کرنے کوکہا تو میں نے انہیں منع نہیں کیا۔
میئر کراچی کا کہنا تھا کوشش کروں گا کہ کراچی میں ہاکی کی رونقیں بحال کروں اور قومی کھیل ہاکی کو دوبارہ وہی مقام ملے جو ماضی میں رہا ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
