15 اگست ، 2023 
پاکستان
سابق صوبائی وزیرہاشم ڈوگر نے استحکام پاکستان پارٹی کے صدر عبدالعلیم خان سے ملاقات کی— فوٹو: اسکرین گریب
سابق پی ٹی آئی رہنما ہاشم ڈوگر کا استحکام پاکستان پارٹی میں شمولیت کا فیصلہ
15 اگست ، 2023
پاکستان تحریک انصاف کے سابق رہنما ہاشم ڈوگر نے بھی استحکام پاکستان پارٹی میں شمولیت کا فیصلہ کرلیا۔
سابق صوبائی وزیرہاشم ڈوگر نے استحکام پاکستان پارٹی کے صدر عبدالعلیم خان سے ملاقات کی۔
ہاشم ڈوگر نے استحکام پاکستان پارٹی میں شمولیت کا فیصلہ کرلیا ہے جس کا آج باقاعدہ اعلان کریں گے۔
اس حوالے سے عبدالعلیم خان کا کہنا تھاکہ پارٹی میں اہم شخصیات کی شمولیت خوش آئند ہے، ملکی معاملات اہم مرحلے میں داخل ہوچکے۔
انہوں نے کہا کہ جان بوجھ کرملک کے پانچ سال ضائع کیے گئے، عام آدمی کو اپنے مسائل سے غرض ہے، بجلی اور پیٹرول کا بوجھ کم کریں گے۔
ان کا کہنا تھاکہ نوجوان طبقے کو امید دلانا اور عملی اقدامات ہماری پارٹی کی اولین ترجیح ہے۔
