مرکزی مجلس عاملہ کی رائے ہے کہ الیکشن میں تاخیر کی گنجائش نہیں ہے: شیری رحمان— فوٹو: اسکرین گریب
پاکستان پیپلز پارٹی نے بھی 90 دن میں انتخابات کروانے کا مطالبہ کردیا ہے۔
پیپلز پارٹی کی مرکزی مجلس عاملہ کے اجلاس کے بعد میڈیا سے بات چیت کرتے ہوئے پارٹی رہنما شیری رحمان نے کہا کہ آئين کے تحت 90 دن میں انتخابات ہونا ہیں، اس سے آگے گئے تو آئینی بحران پیدا ہوجائیگا۔
شیری رحمان نے مزید کہا کہ مرکزی مجلس عاملہ کی رائے ہے کہ الیکشن میں تاخیر کی گنجائش نہیں ہے، آئين میں تبدیلی نگران حکومت کی صوابدید نہیں، نہ ہی اس کے پاس قوانین میں تبدیلی کا مینڈیٹ ہے۔
پی پی رہنما کا کہنا تھا کہ الیکشن کمیشن سے ملاقات کے بعد سی ای سی کا اجلاس دوبارہ بلایا جائے گا۔
آصف زرداری اور بلاول بھٹو زرداری کی زیر صدارت پارٹی کی سینٹرل ایگزيکٹو کمیٹی کے اجلاس میں بیرسٹر اعتزاز احسن بھی شریک تھے۔
25 اگست ، 2023 
