30 اگست ، 2023 
پشاور: گزشتہ روز لاپتا ہونیوالی 6 سالہ بچی مبینہ زیادتی کے بعد قتل، لاش برآمد
30 اگست ، 2023
پشاور کے نواحی علاقے خزانہ میں دریا کنارے سے ایک بچی کی لاش ملی ہے۔
پولیس کے مطابق 6 سالہ عائشہ کل شام رشتے داروں کے گھر جانے کے لیے نکلی اور گھر واپسی پر لاپتا ہوئی، بچی کے لاپتا ہونے پر اس کے والدین نے پولیس کو آگاہ کیا۔
پولیس کا کہنا ہےکہ بچی کی لاش ان کے رشتے داروں کے گھر کے 100 میٹر فاصلے پر برآمد ہوئی، بچی کو گلے میں پھندا ڈال کر قتل کیا گیا ہے، بچی کی لاش کو تحویل میں لے کر پوسٹ مارٹم کیلئے اسپتال منتقل کردیا گیا ہے۔
پولیس کے مطابق بظاہر بچی کو جنسی زیادتی کا نشانہ بھی بنایا گیا ہے تاہم پوسٹ مارٹم رپورٹ آنے کے بعد پتا چلے گا کہ جنسی زیادتی ہوئی یا نہیں۔
پولیس کا کہنا ہے کہ واقعے کی تحقیقات کے لیے ایس پی رورل طفراحمد کی سربراہی میں کمیٹی تشکیل دی گئی ہے۔
