10 ستمبر ، 2023 
پاکستان
بلوچستان کے ضلع قلعہ عبداللہ میں منشیات فروشوں کے خلاف مشترکہ آپریشن شروع کیا گیا ہے/فوٹوفائل
قلعہ عبداللہ میں اسمگلروں کیخلاف کریک ڈاؤن جاری، بڑے پیمانے پر منشیات تلف
10 ستمبر ، 2023
پاک فوج اور قانون نافذ کرنے والے اداروں کے تعاون سے ملکی سطح پر اسمگلروں کے خلاف بڑے پیمانے پر کریک ڈاؤن جاری ہے۔
بلوچستان کے ضلع قلعہ عبداللہ میں منشیات فروشوں کے خلاف اے این ایف اور سکیورٹی فورسز کی جانب سے مشترکہ آپریشن شروع کیا گیا ہے۔
کارروائی کے دوران اسمگلروں سے 1100 کلو چرس، 94 کلوگرام ایفیڈرین، 16.2 کلوگرام آئس اور 1090 لیٹر ایچ سی ایل بھی برآمد کیا گیا جبکہ 70 ایکڑز رقبے پر منشیات کی فصلیں تلف کر کے 48 منشیات کے کمپاؤنڈز کو گرا دیا گیا ہے۔
ذرائع کے مطابق آپریشن میں منشیات پروسیسنگ کی 28 مشینیں تباہ کی گئیں جبکہ بڑے پیمانے پر کریک ڈاؤن کرتے ہوئے 11 افراد کو حراست میں بھی لیا گیا ہے۔
