14 ستمبر ، 2023 
دنیا
حملہ بدھ کی صبح اس وقت کیاگیا جب بھارتی فورسز کے اہلکار گڈول، کوکرناگ کے علاقے میں محاصرے اور تلاشی کی مشترکہ کارروائی کررہے تھے: کشمیر میڈیا سروس— فوٹو:فائل
مقبوضہ کشمیر میں حملے میں قابض بھارتی فوج کا کرنل، میجر اور پولیس ڈی ایس پی ہلاک
14 ستمبر ، 2023
مقبوضہ کشمیر کے ضلع اسلام آباد میں قابض بھارتی فوج پر حملے کے نتیجے میں بھارتی جوج کا کرنل من پریت سنگھ، میجر اشیش اور ڈپٹی سپرنٹنڈنٹ آف پولیس (ڈی ایس پی) ہمایوں بھٹ ہلاک ہوگئے۔
کشمیر میڈیا سروس (کے ایم ایس) کے مطابق حملہ بدھ کی صبح اس وقت کیاگیا جب بھارتی فورسز کے اہلکار گڈول، کوکرناگ کے علاقے میں محاصرے اور تلاشی کی مشترکہ کارروائی کررہے تھے۔
حملے میں فوج کا ایک کرنل، میجر اور پولیس کے ڈی ایس پی مارے گئے۔ دوسری جانب مقبوضہ کشمیرمیں بھارتی فوج کی ریاستی دہشتگردی جاری ہے۔
کشمیرمیڈیاسروس کے مطابق ضلع راجوڑی میں ایک اورکشمیری نوجوان کو شہید کردیا گیا، قابض بھارتی فوج نے کشمیری نوجوان کو تلاشی کی آڑ میں شہید کیا۔
