24 ستمبر ، 2023 
ایشین گیمز: سوئمنگ میں پاکستان کا مایوس کن آغاز
24 ستمبر ، 2023
ایشین گیمز سوئمنگ کے انفرادی فری اسٹائل اور انفرادی میڈلے کی ہیٹس میں پاکستانی سوئمرز کی جانب سے مایوس کن آغاز دیکھنے میں آیا۔
ایشین گیمز سوئمنگ میں پاکستان کے امان صدیقی اور احمد درانی اگلے راؤنڈ تک رسائی حاصل کرنے میں ناکام رہے، مردوں کی 200 میٹر انفرادی میڈلے میں احمد علی درانی کی ٹائمنگ 2 منٹ 15.10 سیکنڈز رہی، احمد درانی نے نیا قومی ریکارڈ تو بنادیا مگر اگلے راؤنڈ تک نہ آسکے۔
اس سے قبل 200 میٹر انفرادی میڈلے کا پاکستان ریکارڈ 2:16.26 تھا، احمد درانی کوالیفائی کرنیوالے آخری سوئمر سے 12 سیکنڈز پیچھے اور مجموعی طور پر 27 میں سے 19 ویں نمبر پر آئے۔
امان صدیقی 2 منٹ 18.65 سیکنڈز کے ساتھ 22 ویں نمبر پر رہے، 100 میٹر انفرادی فری اسٹائل میں پاکستان کے احمد درانی ہیٹس میں 33 اور امان صدیقی 37 ویں پوزیشن پر رہے۔
تائیکوانڈو
دوسری جانب ایشین گیمز تائیکوانڈو میں پاکستان کی نائلہ کوارٹر فائنل میں پہنچ گئیں، نائلہ نے پہلے راؤنڈ میں سعودی عرب کی مدہت ابرار بخاری کو شکست دی تاہم کوارٹر فائنل میں نائلہ کو جاپانی ایتھلیٹ نے ہرادیا نائلہ کے 100.0 پوائنٹس کے مقابلے میں یوکو نیوا نے 104.6 پوائنٹس لیے۔
مینز تائیکوانڈو پومسے میں پاکستان کے عقدس قدیر کو پہلے راؤنڈ میں شکست ہوگئی، عقدس کو نیپال کے ایتھلیٹ نے شکست دی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
