29 ستمبر ، 2023 
کوہاٹ، ایم ڈی کیٹ میں ٹاپ کرنے والی طالبہ نے ایف ایس سی میں بھی ٹاپ کرلیا
29 ستمبر ، 2023
پشاور میں میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) میں ٹاپ کرنے والی طالبہ عزرا ریاض نے انٹر میں بھی ٹاپ کرلیا۔
عزرا ریاض نے ایف ایس سی میں ایک ہزار 27 نمبر لیکر کوہاٹ بورڈ میں ٹاپ کیا۔ عزرا ریاض نے 198 نمبر لے کر ایم ڈی کیٹ میں بھی ٹاپ کیا ہے۔
طالبہ کے والد محمد ریاض ایک سرکاری اسکول میں سی ٹی ٹیچر ہے۔
خیال رہے کہ خیبرپختونخوا میں ایم ڈی کیٹ تب متنازع بن گیا جب ٹیسٹنگ ایجنسی ایٹا نے صوبے بھر کے امتحانی مراکز میں سے 219 ایسے امیدوار رنگے ہاتھوں پکڑے جو خفیہ بلیو ٹوتھ ڈیوائس کے ذریعے پرچہ حل کرنے کی کوشش کرہے تھے۔
پشاور ہائی کورٹ نے ایم ڈی کیٹ نتائج روک دیے ہیں۔
صوبائی کابینہ اجلاس میں ٹیسٹ ری کنڈکٹ کا فیصلہ ہوا، جس پر ٹیسٹ پاس کرنے والے امیدواروں نے پشاور ہائی کورٹ سے رجوع کرلیا ہے۔
